Эрүүл мэндийн яамны цаг үеийн асуудлаар ээлжит мэдээллийг өглөө. Энэ үеэр Афганистан улсаас ирсэн цэргийн алба хаагчдын 18-аас нь коронавирус илэрснийг ХӨСҮТ-ийн захирал Д.Нямхүү хэллээ. Тэрбээр 2020 оны долоодугаар сарын 14-нд нийт гурван лабораторит шинжилгээ хийсэн 408 хүний сорьцын 390 хүнийхэд нь коронавирус илрээгүй.

18 хүний шинжилгээнд коронавирус илэрлээ. Энэ нь Афганистан улсад үүрэг гүйцэтгэж байсан цэргийн алба хаагчид юм. Афганистан улсаас өчигдрийн онгоцоор ирсэн 51 цэргийн алба хаагчийн 18-д нь коронавирус илэрсэн. Гэхдээ дараагийн давтан шинжилгээ хийх болно" гэлээ. Одоогийн байдлаар гурван хүн эдгэрч дараагийн шатны сувилалд шилжиж байна. Харин Монгол Улсад коронавирусийн 261 тохиолдол албан ёсоор бүртгэгдсэнээс 207-г нь эдгээгээд байгаа юм.