Мэргэжлийн сүмо бөхийн Нагоя башёгийн хоёр дахь өдрийн барилдаан өндөрлөлөө. Өнөөдөр ёкозүна Какүрюү М.Ананд өнжиж, Хакүхо М.Даваажаргал (2:0) давлаа. Дээд зиндаанд барилдаж буй Кирибаяама Б.Лхагвасүрэн унаж (0:2), Тамаваши Б.Мөнх-Оргил (2:0), Тэрүнофүжи Г.Ган-Эрдэнэ (2:0) нар учраа бөхөө давсан байна. Цагтаа озеки цолтой мандаж явсан Тэрүнофүжи Г.Ган-Эрдэнэ бэртлийн улмаас тааруу амжилт үзүүлж ирсэн ч уйгагүй хөдөлмөрлөсний дүнд дээд зиндаандаа эргэн ирлээ. Тэгээд зогсохгүй хоёр дараалан давав.

Түүний бэртэл бүрэн эдгэрээгүй боловч барилдааны агуулга нь өмнөхөөсөө дээрдсэн гэж мэргэжилтнүүд дүгнэж байна. Тэгвэл энэ өдөр Жүрёо зиндаанд барилдаж буй Монголын долоон бөхөөс дөрөв нь давж, гурав нь унажээ.

Б.Жаргал