Архангай аймгийн АН-ын хороо өчигдөр хуралдаж намын даргын үүрэг гүйцэтгэгч Д.Золжаргалыг огцруулсан байна. Учир нь Д.Золжаргал нь Ардчилсан намын үндсэн дүрэм, түүнийг дагалдан гарсан журмуудыг зөрчин, аймгийн намын нийт гишүүдийн эрх ашиг, хуулийн өмнө эрх тэгш байх үйл хэрэгт хөндлөнгөөс оролцож гишүүдийн олонхиороо шийдвэр гаргах зарчмыг зөрчсөн нь бүх гишүүдийн бүрэн эрхт байдалд халдсан үйлдэл болсон гэж хуралд оролцогчдынг дийлэнх нь санал нэгджээ. Тиймээс түүнийг ийнхүү долоодугаар сарын 30-ны өдрөөс тасалбар болгон Архангай аймгийн намын хорооны даргын үүрэг гүйцэтгэгчээс нь огцруулсан байна.
Улмаар Архангай аймгийн намын хорооны хуралдаанаар гарсан шийдвэрийг АН-ын даргын үүрэг гүйцэтгэгч Ц.Туваанд уламжилжээ. “Д.Золжаргалыг АН-ын дарга асан С.Эрдэнэ 2020 оны УИХ-ын сонгуулиас хэдхэн хоногийн өмнө томилсноор аймгийн АН-ын гишүүдийн дунд үл ойлголцол, хагарал бутаргал авчирсан. Ингэснээр манай аймгийн АН сонгуульд нэг ч суудал авч чадалгүй шившигтэйгээр ялагдах нэг шалтгаан болсон” гэж намын гишүүн Р.Энхтайван ярилаа.
Сэтгэгдэл (3)