Цагдаагийн ерөнхий газарт халаа сэлгээ үргэлжилж байна. Өнгөрөгч долоо хоногт ЦЕГ-ын дарга, хурандаа Ж.Болд тушаал гаргаж тус газрын Тэргүүн дэд даргаар цагдаагийн хурандаа Ц.Ням-Очирыг томилсон.
Түүнчлэн Эрүүгийн цагдаагийн албаны даргаар хурандаа Т.Сүхболдыг, Мөрдөн байцаах албаны даргаар хурандаа Б.Батсуурийг, дэд даргаар хурандаа Б.Даваажавыг, Нийтийн хэв журам хамгаалах, олон нийтийн аюулгүй байдлыг хангах албаны даргаар хурандаа Н.Лхагвасайханыг, Экологийн цагдаагийн албаны даргаар хурандаа О.Амарсанааг, дэд даргаар хурандаа Х.Доржсүрэнг томилжээ.
Мөн хурандаа Ж.Болдыг томилогдсоны дараахан дэд сайд Б.Баатаржавын хамт Ерөнхийлөгч Х.Баттулга өрөөндөө дуудан уулзсан байдаг. Энэ үеэрээ зарим санал хэлсний дотор Г.Батхүү агсны амиа алдсан хэрэг удаашралтай байгааг анхааруулсан юм.
А.Сүх
Сэтгэгдэл (1)