2020-2021 оны хичээлийн жилийн нэгдүгээр анги болон цэцэрлэгийн цахим элсэлтийн талаар мэдээлэл хийлээ.
Энэ жил цар тахлын нөхцөл байдалтай холбогдуулан хичээл сургалтыг 20-оос хэтрэхгүй хүүхэдтэй байхаар зохицуулалт хийжээ. Цэцэрлэг, ЕБС-ийн хичээл есдүгээр сарын 1-нд эхлэх бөгөөд сум, баг, тосгонд хичээл танхимаар явагдах бол нийслэлд хичээлийн гурван өдөр танхимаар хичээллэнэ.
ЕБС-ийн нэгдүгээр ангид элсэгчдийг parent.edu.mn сайтаар энэ сарын 20-ны 17.00 цаг хүртэл бүртгэнэ. Ингэхдээ элсэгчид нийслэлд хаягтай, 2014 оны нэгдүгээр сарын 1-ээс арванхоёрдугаар сарын 31-ний хүүхдүүдийг бүртгэнэ. Өмнө нь эрүүл мэндийн болон бусад шалтгаанаар нэгдүгээр ангид элсэж чадаагүй хүүхдүүд мөн бүртгүүлэх боломжтой аж.
А.Сүх