Ардчилсан намын Үндэсний бодлогын хороо өчигдөр шөнө дөл хүртэл хуралдаж, зарим шийдвэрийг гаргажээ. Үндэсний бодлогын хороогоор хэлэлцсэн гол нь асуудал нь УИХ-ын 2020 оны ээлжит сонгуульд ялагдсан шалтгаан, өнгөрсөн хугацаанд явуулсан бодлогын алдаа. Өмнөхөөсөө буюу З.Энхболдыг Намын дарга байх үеэс ялгаатай нь С.Эрдэнэ үүрэгт ажлаа УИХ-ын гишүүн Ц.Туваанд шилжүүлсэн энэ цаг үед. Экс гэхээсээ Намын даргын үүрэг гүйцэтгэгчтэйгээр тэд дараагийн удирдлагаа сонгох нь.
З.Энхболд АН-ыг даргалж байх үедээ товлож, тушаал гарган явуулсан АН-ын Дотоод сонгуулийн хүрээнд таван хүн өрсөлдөж, тэдгээрээс С.Эрдэнэ ялалт байгуулсан нь 2017 он.
Үеийн үед, өнгөрсөн хугацаанд АН Засгийн газраа байгуулах үед өөрсдийн төлөөний хүнээ санал болгож, томилуулдаг, фракцын дарга нарын тохиролцоо энэ үед С.Эрдэнэ даргынхаа аяыг "дагах"-аар болсон гэдэг.
Үүний дараа парламентад есөн суудлыг авсан АН Үндсэн хуулиар олгосон эрхийнхээ хүрээнд Ерөнхийлөгчид нэр дэвшигчээ сонгон шалгаруулахад горилогч Х.Баттулга, Р.Амаржаргал хоёрын хооронд гол тулаан явж, эцэстээ одоогийн Төрийн тэргүүн шалгарсан байдаг юм. С.Эрдэнэ бүх гишүүдээсээ сонгогдсон дарга шиг Х.Баттулга нийт ард түмний дийлэнх олонхийн санал авсан Төрийн тэргүүн гэдгээрээ өнөөдрийг хүртэл явсан.
Намын дүрэм, Үндсэн хуулийн заалтаар саяхныг хүртэл АН-ын төлөөлөл Монголд хамгийн хүчтэй төлөөлөл байсан хэрэг, тэгэхдээ зөвхөн ард түмний нэрийн өмнөөс.
Үүнээс хойш юу болж өнгөрөв. Ерөнхийлөгчийн сонгуульд ялалт байгуулсан АН-ын бодлого, үйл ажиллагаа парламент дахь сөрөг хүчний хэмжээнд тэгтлээ үргэлжлээгүй. Ж.Батзандан, Л.Болд нар намаасаа гарснаар тус намын долоон эрхэм сул гишүүний орон тоонд шилжсэн нь өнгөрсөн оны үйл явдал. Үүгээр зогсохгүй АН-ын дарга С.Эрдэнийн эсрэг Намынх нь жирийн гишүүд төдийгүй залуучуудынх нь дуу хоолой өндрөө авч, явсаар эцэстээ дахин ялагдахад хүргэсэн нь өнгөрсөн зургаадугаар сар.
УИХ-ын гишүүн, АН-ын тэргүүн фронтыг "захирч" асан С.Эрдэнэ тухайн үед хариуцлага хүлээж дараагийн дарга тодортол парламентын шинэ түшээ Ц.Тувааныг түр орлон гүйцэтгэгчээр томилсон.
Сонирхолтой нь, шөнө дөл хүртэл хуралдсан АН-ын Үндэсний бодлогын хорооноос нэгэн шийдвэр гаргасан нь сонгуулийн ялагдлын учир шалтгааны талаар хөндлөнгийн мэргэжлийн байгууллагууд, судлаачдыг оролцуулсан нарийвчилсан дүн шинжилгээ, судалгаа гаргах Ажлын хэсэг байгуулахаар болжээ. Өөрөөр хэлбэл, бүх гишүүдээсээ сонгогдож, өнгөрсөн гурван жилийн хугацаанд өөрийн бодлого, шийдвэрийн хүрээнд Ардчилсан намыг зангидаж ирсэн С.Эрдэнийн үйл ажиллагааг Үндэсний бодлогын хорооны тогтоолоор шалгахаар болсон гэсэн үг.
Ажлын хэсгээс хэдий хугацаанд шалгалт хийж, ямар дүгнэлт гаргах эсэх нь цаг хугацааны асуудал. Тэрхүү дүгнэлтийн үр дүн экс дарга С.Эрдэнийн талд гарах уу эс бөгөөс сонгогдсон намынхаа удирдлагыг гартаа авахаар хөдөлж эхэлсэн Ерөнхийлөгчийн санаснаар болох уу гэдэг нь өөрөө сонирхолтой сэдэв.
Магад АН-ын дарга асан С.Эрдэнэ өөрөө дэмжиж, нэр дэвшүүлсэн Ерөнхийлөгч Х.Баттулгынхаа "шүүх"-ээр ийн орохоор болж байна.
Анхдугаар чуулганы үеэр Ерөнхийлөгч Х.Баттулга АН-аас сонгогдсон 11 гишүүнийг дуудан уулзаж, цаашдаа хамтран ажиллахаа илэрхийлээд зогсохгүй, Бүлгийн даргаар нь Д.Ганбатыг сонгуулсан нь үүний илрэл. Өнөөдөр АН-ын шинэчлэлд хэн хүчтэй оролцож байна, Ерөнхийлөгч Х.Баттулга л байна. Юу үнэн, энэ л үнэн.
Г.Эрхэс
Сэтгэгдэл (49)