Нийслэлийн прокурорын газраас яллах дүгнэлт үйлдэж ирүүлсэн шүүгдэгч Ш.Батхүү нарын зургаан хүнд холбогдох эрүүгийн хэргийн урьдчилсан хэлэлцүүлгийн шүүх хуралдааныг Хан-Уул дүүргийн Эрүүгийн хэргийн анхан шатны шүүх өнгөрсөн долдугаар сарын 24-ны өдөр хэлэлцэж, нэр бүхий яллагдагч нарыг шүүхэд шилжүүлсэн. 

Тэдэнд холбогдох хэргийн шүүх хуралдааныг 2020 оны наймдугаар сарын 5-ны өдрийн 10 цагт товложээ.

Эргэн сануулахад, “Жаст групп”-ын захирал Ш.Батхүү нар нь хуурамч бичиг баримт үйлдэн “Стандарт” банкнаас 109 сая ам.долларын зээл авч бусдад онц их хэмжээний хохирол учруулсан хэргээр шүүгдэж байгаа билээ.