“Саруул” хотхонд гарсан хэргийн талаар ЦЕГ-ын Хэвлэл мэдээллийн төвийн дарга, цагдаагийн дэд хурандаа Б.Баатархүү тайлбар өглөө.

Тэрбээр “Энэ сарын 3-нд тус байранд хүн амь насаа алдсан гэсэн дуудлага ирсэн. Хэргийн газрын үзлэгээр гал гарсан айлд 46 настай эмэгтэй нас барсан байдалтай олдож, 23 настай эрэгтэй өндрөөс унаж амь насаа алдсан байсан.

Хэрэг эцэслэн шалгагдаж дуусаагүй байгаа учраас ямар нэгэн ташаа мэдээлэл өгч болохгүй.

Дээрх хоёр хүн гэр бүлийн хоёр хүн байсан. Хэргийн газрын үзлэгийн тэмдэглэлийн талаар дэлгэрэнгүй мэдээлэл өгөх боломжгүй. Иргэд ташаа мэдээлэлд автахгүй байхыг хүсэж байна” гэлээ.

  А.Сүх