Эрүүл мэндийн яамнаас коронавирусний цар тахлын талаар ээлжит мэдээллээ хийлээ.

Энэ үеэр ХӨСҮТ-ийн Тандалт, судалгааны албаны дарга А.Амбасэлмаа "Энэ сарын 4-нд ХӨСҮТ-ийн вирус судлалын лаборатори, Дархан-Уул аймгийн салбар лабораторид нийт 615 хүнд шинжилгээ хийлээ. Коронавирус илрээгүй.

Өнөөдөр 14 хүн эдгэрч дараагийн шатны сувилал руу шилжсэн. Эдгээр нь долдугаар сарын 12, 14-нд Афганистанаас ирсэн энхийг сахиулагчид юм.

Манай улсад батлагдсан тохиолдол 293 байгаагаас 244 нь эдгэрсэн. Эмчлэгдэж байгаа 49 байна. Үүнээс 46 хүний биеийн байдал хөнгөн, гурван хүний биеийн байдал хүндэвтэр байна" гэлээ.

А.Сүх