Эрүүл мэндийн яамнаас ээлжит мэдээллээ хийлээ.

ЭМЯ-ны хэлтсийн дарга Д.Нарангэрэл дэлхийн хэмжээнд цар тахлын нөхцөл байдлын талаар танилцууллаа. Тэрбээр "Өнөөдөр дэлхий дахинаа 18.434.000 хүн коронавируст халдвараар өвчилж, 699 мянган хүн эндээд байна. 

Цар тахлын улмаас эрүүл мэндийн тусламж үйлчилгээ, тэр дундаа дархлаажуулалт саатаж, хорт хавдрын илрүүлэлт буурах, сэтгэцийн эрүүл мэндийн тусламж үйлчилгээ, халдварт бус өвчний тусламж үйлчилгээ доголдож олон сая хүн эдгээр өвчлөлийн улмаас эндэх эрсдэл байгааг ДЭМБ-аас сануулж байна. 

Сүүлийн 24 цагийн байдлаар Энэтхэгт 51 мянга, АНУ, Бразилд 49 мянган хүн шинээр халдвар авсан байна.

Манай хойд хөрш ОХУ-д 5000 хүн халдвар авсан бол БНХАУ-д 109 тохиолдол шинээр бүртгэгдлээ. Мөн халдварыг хяналтандаа авсан сайн жишгийг харуулж байсан Япон, Австрали улсад халдварын хоёр дахь давалгаа дэгдэлт хэлбэрээр гарч эхэлсэн.

Тодруулбал, сүүлийн 24 цагт Японд 1239 хүн өвчилж, дөрвөн хүн энджээ. Токио хотод өвчлөл их байсан бол өчигдрөөс Оканава мужид халдварын тохиолдол эрс нэмэгдэж, архи согтууруулах ундаа худалдахыг хориглох шийдвэр гаргажээ. Мөн Японд гэрийн тэжээвэр хоёр нохойд коронавиурсийн халдвар илэрсэн байна.

Түүнчлэн Австралийн Викториа мужид хөл хорионы дэглэмийг улам чангатгаж, 500 гаруй алба хаагчийг уг ажилд дайчилж эхэлжээ.

Хязгаарлалтын хүрээнд өрхийн нэг хүн 5 мерийн зайд байгаа дэлгүүрээс нэг удаа хүнс худалдаж авах, гудамжинд хоёр оос дээш хүн хамт явахгүй байх дэглэмийг мөрдөж эхэлсэн бол бүх шатны боловсролын байгууллагын хичээлийг цахимаар явуулж байна" гэлээ. 

А.Сүх