Казахстаны чөлөөт бөхийн таван залуу тамирчин Алматыгаас Тараз хүртэлх хурдны замд осолд орж гурав нь таалал төгссөн харамсалтай явдал болжээ.

Тодруулбал, Жаксыбек Карабалаев, Жанбота Байбазар нар наймдугаар сарын 3-нд газар дээрээ нас барсан бол Ильяс Жумай эмнэлэгт хүргэгдсэнийхээ дараа шархаа даалгүй тэнгэрт хальжээ. Харин Нурдаулет Заутбек, Чынгысхан Мухаметкалиев гэсэн хоёр бөх эрчимт эмчилгээний тасагт биеийн байдал нь тун тааруухан байгаа юм байна. 
Ильяс Жумай нь 2019 онд Улаанбаатарт болсон 23 хүртэлх насны Азийн АШТ-д хүрэл, 2011 онд өсвөр үеийн ДАШТ-ээс хүрэл медаль хүртэж, 2015 онд залуучуудын Азийн аварга болж байсан Казахстаны 65 кг-ын жингийн өсөх ирээдүйтэй тамирчдын нэгд тооцогдож байв.