Эрүүл мэндийн яамнаас коронавирусний нөхцөл байдлын талаар ээлжит мэдээллээ хийлээ.

Улсын хэмжээнд өчигдөр нийтдээ 595 сорьцод шинжилгээ хийхэд бүгдэд нь коронавирусийн халдвар илрээгүйг ХӨСҮТ-ийн Тандалт судалгааны албаны дарга А.Амбасэлмаа хэллээ.

Үүнийг задалбал,

1. Долдугаар сарын 30-нд Сидней-Улаанбаатарын онгоцоор ирсэн 264 хүний шинжилгээ,
2. Долдугаар сарын 12,14-нд Кабул-Улаанбаатар онгоцоор Афганистанаас ирсэн 57 хүний шинжилгээ
3. Долдугаар сарын 25- нд Кабул-Улаанбаатарын онгоцоор ирсэн 124 цэрэг дайчдын давтан шинжилгээ
4. Тусгаарлахажиглах байранд тусгаарлагдсан 18 хүний давтан шинжилгээ
5. Тусгаарлах байруудад ажиллаж байгаа 8 хүний шинжилгээ
6. Алтанбулагийн боомтоор орж ирсэн ачаа тээврийн 26 жолоочийн шинжилгээ
7. Замын-Үүд сумаар оржирсэн 85 хүн болон төмөр замын 13 ажилтны шинжилгээ буюу нийт 98 хүний шинжилгээнээс халдвар илрээгүй байна.

ХӨСҮТ-ийн Тандалт судалгааны албаны дарга А.Амбасэлмаа цааш хэлэхдээ “Манай улсад коронавирусийн батлагдсан тохиолдол 293 байна. Үүнээс 260 нь эдгэрч, ХӨСҮТ-т 33 хүн эмчлүүлж байна. 31 хүний биеийн байдал хөнгөн, хоёр хүний биеийн байдал хүндэвтэр байна. Эмчилгээнд байгаа хүмүүс дотор 14 настай нэг хүүхэд бий.

ХӨСҮТ-д нийт 56 хүн эмчилгээ болон ажиглалт тандалтад байгаа. Ажиглан тусгаарлагдаж байгаа нэг хүний биеийн байдал маш хүнд эрчимт эмчилгээний тасагт эмчлэгдэж байна.

Энэ хүнд гурван удаагийн коронавирус илрүүлэх шинжилгээ хийхэд халдвар илрээгүй. Элэгний хатуурал, бөөрний дутагдалд орсон, мөн хатгаатай зэрэг хавсарсан дутагдалтай.

Наймдугаар сарын 1-нээс өнөөдрийг хүртэл улсын хэмжээнд нийт 3713 хүн тандалт судалгаа, лабораторийн шинжилгээ хийсэн байна. Эдгээрээс 1034 хүнийх нь эхний шинжилгээ юм. Энэ долоо хоногт тусгай үүргийн дөрвөн онгоц хүлээж авсан. Өчигдрийн онгоцоор ирсэн хүмүүсийн шинжилгээг өнөөдөр авч дуусна. Өмнөх гурван нислэгээр ирсэн зорчигчид, мөн Зам-Үүд сумаар орж ирсэн хүмүүс, ачаа тээврийн жолооч нараас халдвар илрээгүй. 2679 хүний шинжилгээ бол өмнөх хүмүүсийн давтан шинжилгээ” гэлээ.