"Боловсролын салбар дахь цахим шилжилт" хэлэлцүүлэг Төрийн ордонд болж байна.

Хэлэлцүүлэгт УИХ-ын гишүүн Н.Учрал, Ц.Мөнхцэцэг, БСШУС-ын сайд Л.Цэдэвсүрэн болон боловсролын салбарын эрдэмтэн мэргэд, судлаачид оролцож байна.

Хэлэлцүүлгийг нээж УИХ-ын гишүүн Н.Учрал “Монгол Улс багш нараа цахимаар сургаж чаддаг болгох шаардлага тулгараад байна. Ялангуяа оюутан сурагчдад цахим сургалтыг ойлгомжтой, харилцаа уялдаатай, нэгдсэн зохион байгууллаттай хүргэх шаардлагатай байна.

Иймээс цахим сургалтыг сургууль бүр өөр өөр технологи ашиглаж биш нэгдсэн нэг системд оруулах ёстой. Цахимаар боловсрол олгох нь цоо шинэ зүйл биш. Өнгөрсөн хавар анх удаа цахим орчноор сурагчдад боловсрол олгож үзсэн. Гэхдээ эцэг эхчүүд хүүхдийнхээ хажууд зайлшгүй зааж зөвлөх шаардлага гарсан учраас тэдэнд зориулсан гарын авлага шаардлагатай байгаа”-г онцоллоо.

А.Сүх