Энэ сарын 10-ны өдрийн байдлаар цагдаагийн байгууллагад нийт 1482 дуудлага мэдээлэл бүртгэгджээ. Үүний 1254 нь нийслэлд, 228 нь орон нутагт бүртгэгджээ.
Гэмт хэргийн 64, зөрчлийн 608, зам тээврийн ослын 209, бусад 601 дуудлага мэдээлэл эзэлж байна.
Гэмт хэргийн 64 дуудлагад хүнийг алах гэмт хэрэг нэг бүртгэгджээ. Хэргийг тодруулбал, Сонгинохайрхан дүүргийн нутаг дэвсгэрт иргэд архидан согтуурсан үедээ хувийн таарамжгүй харилцааны улмаас уг гэмт хэргийг үйлдсэн байж болзошгүй нөхцөл байдал урьдчилсан байдлаар тогтоогдсон байна.
Хэргийн улмаас 34 настай, эрэгтэй М амиа алдсан бөгөөд уг гэмт хэргийг үйлдсэн байж болзошгүй 46 настай, эрэгтэй А тогтоогдон шалгагдаж байгаа аж.