Иргэн, хуулийн этгээдээс ирүүлсэн 193 бүтээлд патент олгожээ. Оюуны өмчийн газрын мэдээллээр улсын хэмжээнд 2020 оны эхний 7 сард шинэ бүтээл болон бүтээгдэхүүний загварын патент авахаар 259 иргэн, хуулийн этгээд мэдүүлэг гаргасан нь өмнөх оны мөн үеэс хоёроор буурчээ.
Иргэн, хуулийн этгээдээс 2020 оны эхний 7 сард ирүүлсэн 193 бүтээлд патент олгосны 63 нь шинэ бүтээлийнх, 130 нь бүтээгдэхүүний загварынх байгаа нь өмнөх оны мөн үеэс шинэ бүтээлийн патент 59 буюу 48.4 хувиар буурч, бүтээгдэхүүний загварын патент 42 буюу 47.4 хувиар өсжээ.

Харин 2020 оны долоодугаар сард шинэ бүтээлд 13 патент, бүтээгдэхүүний загварт 16 патент олгосон нь өмнөх сараас шинэ бүтээлийн патент нэгээр нэмэгдэж, бүтээгдэхүүний загварын патент гурваар буурсан байна.