Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгын төслийн талаарх хэлэлцүүлэг Төрийн ордонд боллоо. Хэлэлцүүлэгт УИХ-ын Төрийн байгуулалтын байнгын хорооны дарга Л.Энх-Амгалан, УИХ-ын гишүүн, Ажлын хэсгийн ахлагч Ж.Сүхбаатар, УИХ-ын гишүүн С.Амарсайхан, УИХ-ын гишүүн Ц.Мөнх-Оргил, НИТХ-ын дарга Р.Дагва болон ажлын хэсгийн гишүүд, холбогдох мэргэжилтнүүд оролцож, санал шүүмж хэллээ.
 

Р.Дагва:  Орон нутгийн чиг үүрэг болон санхүүгийн эрх мэдлийг тодорхой болгох нь хуулийн гол үзэл баримтлал
Нийслэлийн ИТХ-ын дарга Р.Дагва “Улаанбаатар хотыг хөгжлийг хувийн хэвшлийн оролцоогүйгээр төсөөлөх боломжгүй. Зөвхөн төсвийн хөрөнгөөр хотын бүх асуудлыг шийдвэрлэх боломжгүй учраас хувийн хэвшил, гадаад дотоодын хөрөнгө оруулагчидтай хамтран ажиллаж өнөөдрийн залуу иргэдийн хүсэж мөрөөдөж буй хотын хөгжлийг бий болгох юм. Үүний тулд эрхзүйн шинэчлэлийг зайлшгүй хийх учиртай. УИХ-ын төрийн байгуулалтын байнгын хорооны хурлаар хэлэлцсэн Засаг захиргаа нутаг дэвсгэрийн нэгж, түүний удирдлагын тухай хуулийн шинэчилсэн найруулгад энэ асуудал тодорхой туссан. Нийслэлийн Иргэдийн Төлөөлөгчдийн хурлын даргын хувьд хотын эрхзүйн орчныг шинэчлэх, төр хувийн хэвшлийн түншлэлээр хотын хөгжлийг шинэ шатанд гаргахын төлөө хуулийн шинэчлэлд саналаа тусгасан” гэв.

Нийслэлийн ИТХ-ын ХМОНХТ