Эрүүл мэндийн яамны ээлжит мэдээллийн үеэр ГХЯ-ны Консулын газрын дарга Л.Мөнхтүшиг гадаадаас ирэх иргэдийн талаар мэдээлэл өглөө.

Тэрбээр “Гадаадаас нутаг буцах хүсэлтэй 10800 хүний тал хувь нь БНСУ-д байна. Энэ сард Сөүл хотруу дөрвөн удаагийн нислэг үйлдэж 1000 гаруй иргэдээ татан авна. Нутаг буцах хүсэлтэй иргэдийн тоо харьцангуй өндөр таван улсыг нэрлэвэл,  БНСУ-д 5028, АНУ-д 2128, Казахстан улсад 896, Турк улсад 795, Австралид 480 иргэн нутаг буцах хүсэлт гаргасан байна.

Хятадын Төрийн зөвлөлийн гишүүн айлчлал хоёр дахь өдрөө үргэлжилж байна. Өчигдөр Гадаад харилцааны сайд Н.Энхтайван албан ёсны хэлэлцээ хийсэн. Энэ үеэр хоёр улсын иж бүрэн стратегийн харилцаа, улс төрийн итгэлцлийг бэхжүүлэх, бүс нутаг, олон улсын хамтын ажиллагааны талаар дэлгэрэнгүй ярилцсан.

Улс орнууд хилийн хязгаар тогтоосон энэ үед цахим худалдаа нэмэгдэж байна. Энэ хүрээнд гадаад улс руу цахим худалдаа хийхдээ залилуулах асуудал их байна. Тухайлбал, БНХАУ, Тайланд зэрэг улс руу мөнгө шилжүүлээд залилуулсан асуудал гарсан. Тиймээс гадаад улс руу цахим захиалга хийхдээ баталгаажуулж, албан ёсны эх үүсвэрээс худалдан авалт хийхийг анхааруулъя” гэлээ.

А.Сүх