Засгийн газрын ээлжит хуралдаан өнөөдөр болж, Эрүүл мэндийн даатгалын Ерөнхий газрын дарга, Батлан хамгаалах яамны ТНБД-ыг томилов.

Тодруулбал Эрүүл мэндийн даатгалын Ерөнхий газрын даргаар Эрүүл мэндийн дэд сайд асан Л.Бямбасүрэнг томилсон байна. Тэрбээр Нийслэлийн мэргэжлийн хяналтын газарт хэлтсийн дарга, Нийслэлийн мэргэжлийн хяналтын газарт дэд дарга, Нийслэлийн мэргэжлийн хяналтын газрын дарга, Мэргэжлийн хяналтын ерөнхий газарт Төрийн захиргааны удирдлагын газрын даргаар тус тус ажиллаж байсан байна.

Харин Батлан хамгаалах яамны ТНБД-ын үүрэг гүйцэтгэгчээр ажиллаж байсан хурандаа Д.Ганхуягийг тус албанд нь жинхэллээ. Тэрбээр БХЯ-ны Санхүүгийн бодлогын хэрэгжилтийг зохицуулах хэлтэст мэргэжилтэн, Зэвсэгт хүчний Ерөнхий штабын Барилга, орон сууцны хэлтэст мэргэжилтэн, Зэвсэгт хүчний 014, 150 дугаар ангид санхүүгийн дарга, Зэвсэгт хүчний Жанжин штабт Санхүүгийн хэлтсийн мэргэжилтэн, Зэвсэгт хүчний 011 дүгээр ангид санхүүгийн дарга, Зэвсэгт хүчний Жанжин штабын Санхүүгийн хэлтэст Санхүүгийн удирдлагын мэргэжилтэн, Тайлан бүртгэлийн бодлогын ахлах мэргэжилтэн, Зэвсэгт хүчний Жанжин штабын Хяналт шалгалт, үнэлгээний газарт Санхүүгийн хяналтын албаны дарга, БХЯ-ны Төрийн захиргааны удирдлагын газарт Санхүү, эдийн засгийн хэлтсийн даргаар ажиллаж байжээ.  

Мөн 2005 онд Конго Улсад цэргийн ажиглагч офицероор, 2008 онд Либери улсад Сьерра Леон улс дахь Цэргийн багийн холбогч офицероор тус тус үүрэг гүйцэтгэж байсан юм.