Нийслэлийн Засаг дарга асан С.Амарсайхан захирамж гаргаж, нэр бүхий албан тушаалтнуудад цар тахлын үеийн хандивын мөнгөнөөс тус бүр нь нэг сая төгрөгийн урамшуулал олгосон талаарх мэдээлэл нэг хэсэг олны анхаарал татаж, шүүмжлэлд өртөөд байсан билээ.

Тэгвэл энэ асуудлаар Нийслэлийн Засаг даргын үүрэг гүйцэтгэгч Ж.Батбаясгалан тайлбар өглөө.

Тэрбээр "Цар тахлын үед идэвхи санаачлагатай ажилласан нэр бүхий албан тушаалтнуудад цалингийн урамшуулал олгосон нь үнэн. Дарга нар сайн ажилласан байхад тэднийг урамшуулах нь буруу биш биз дээ. Урамшууллын мөнгийг хандивын мөнгөнөөс гараагүй гэдгийг би баттай хэлж байна. Би тэр үед Засаг даргын орлогч хийж байсан. Энэ асуудал ч аудитын байгууллагаар ороод шалгагдсан. Тухайн үед нийслэлийн хандивт 200 гаруй сая төгрөг цугларсан байсан. Нийт 16 мянган хүн 21 сая төгрөгийн урамшуулал авсан" гэв.

Б.Батчимэг