Гадаад харилцааны сайд Н.Энхтайван Хятадын сайдын айлчлалын талаар мэдээлэл өглөө.

Тэрбээр “БНХАУ-ын төрийн зөвлөлийн гишүүн бөгөөд Гадаад хэргийн саайд Ван И миний урилгаар энэ сарын 15-16-ны өдрүүдэд Монгол Улсад албан ёсны айлчлал хийж байна.

Хоёр орны стратегийн харилцааг бэхжүүлэх, харилцан ойлголцог, хамтын ажиллагааг өргөжүүлэх, бүс нутаг зэрэг олон харилцааны холбогдолтой өргөн хүрээгээр ярилцаж, олон асуудлаар тохиролцоонд хүрлээ.

Монгол, Хятад хоёр улс биенийхээ тусгаар тогтнол, бүрэн эрх, нутаг дэвсгэрийг бүрэн бүтэн байдлыг харилцан хүндэтгэж, нөгөө талын хэрэгт хөндлөнгөөс үл оролцох зарчмыг тууштай баримталж ажиллахаа нотоллоо.

Ойрын хугацаанд хэрэгжүүлэх боломжтой дээд өндөр түвшний харилцааны ажил, хамтын ажиллагааны голлох уулзалтын талаар ярилцаж ерөнхий төлөвлөгөөг тохиролцлоо. Ковид-19 цар тахлаас урьдчилан сэргийлэх, хамтын ажиллагааг өргөжүүлэхийн зэрэгцээ худалдаа, эдийн засгийн хамтын ажиллагааг сэргээхийн зэрэгцээ хоёр талын томоохон төслүүдийн хэрэгжилтийг түргэтгэхэд анхаарч ажиллахаар боллоо” гэлээ.

Б.Лхам