Мэргэжлийн хяналтын ерөнхий газрын Экспорт, импорт, хилийн хорио цээрийн хяналтын хэлтсийн дарга асан шүүгдэгч Н.Баярсайхан, шүүгдэгч Э.Аззаяа /МХЕГ-ын Экспорт, импорт, хилийн хорио цээрийн хяналтын газрын дарга асан/, шүүгдэгч Ш.Тэгвандан /МХЕГ-ын Экспорт, импорт, хилийн хорио цээрийн хяналтын газрын байгаль орчны улсын байцаагч/ болон тус газрын Экспорт, импорт, хилийн хорио цээрийн хяналтын хэлтсийн улсын ахлах байцаагч Г.Элдэв-Очир, С.Бүрэнтөгс, Д.Төмөрбаатар нарын зургаан хүнд холбогдох Эрүүгийн хэргийн анхан шатны шүүх хуралдааныг ирэх долоо хоногийн даваа гараг хүртэл хойшлууллаа.
Учир нь, есдүгээр сарын 14-нд товлосон шүүх хуралдаанд Э.Аззаяагийн өмгөөлөгч Ц.Дэлгэрням хуралдаан давхардсан шалтгаанаар, харин шүүгдэгч Д.Төмөрбаатар хүндэтгэн үзэх шалтгаангүйгээр ирээгүй байна. Тиймээс шүүх хуралдааныг есдүгээр сарын 21-ний өдрийн 09:30 цагт товлож, шүүгдэгч Д.Төмөрбаатар нь хүндэтгэн үзэх шалтгаангүйгээр шүүх хуралдаанд ирээгүй нь түүнд авсан таслан сэргийлэх арга хэмжээг зөрчсөн гэж үзэн цагдан хорихоор боллоо.
Сэтгэгдэл (1)