Манай улсад коронавирусийн анхны тохиолдлоор бүртгэгдсэн Франц улсын иргэнийг уг вирусийн халдвар аваагүй гэх мэдээлэл гараад байсан билээ.

Тэгвэл уг мэдээллийг ХӨСҮТ-ийн Ерөнхий захирал Д.Нямхүү үгүйсгэж, "Франц иргэний биеийн байдал маш хүнд ирээд 40 гаруй хоног эмчлүүлээд, нутаг буцсан. Бид түүнтэй цахимаар холбогдсон. "Шинжилгээ өгөхөд коронавирусын эсрэг бие буюу дархлааны түвшин 78 хувь тогтсон" гэдгийг хэлж, шинжилгээний зургаа явуулсан" хэмээн мэдээлсэн юм.