Булган аймгийн Сэлэнгэ сумын Тариахтай багийн “Тариахтайн даваа” нэртэй газар самар түүж явсан Орхон аймгийн харьяат 59 настай Л нь есдүгээр сарын 14-ний өдрийн 17 цагийн орчим сураггүй алга болжээ. Мөн Хөвсгөл аймгийн Цагаан-үүр сумын Хагархайн таг гэдэг газар Сэлэнгэ аймгийн Шаамар сумын харьяат 33 настай М самар түүж байхдаа ойролцоох отгоос тамхи авахаар яваад сураггүй болжээ. Энэ тухай мэдээллийг ОБЕГ есдүгээр сарын 15 –нд хүлээн авсан ба дээрх иргэдийг эрэн хайх ажиллагааг эхлүүлсэн байна.
Тиймээс цагдаагийн байгууллагаас ой хөвчид явахдаа сонор сэрэмжтэй байж, ганц нэгээрээ явахгүй, газар нутгаа сайтар судалж байж явахыг анхааруулж байна.
