Өнөөдөр НИТХ-ын отгон чуулган хуралдаж байна. Энэ үеэр Хотын даргын үүргийг түр орлон гүйцэтгэгч Ж.Батбаясгалан өнгөрсөн дөрвөн жилийг дүгнэсэн юм.

Тэрбээр “Нийслэл эдийн засгаа тэлэх бодлого хэрэгжүүлэхдээ санхүүгийн болон засаглалын сахилга бат, дэг журмыг сууриа болгож ажилласан. Ажлын байраа хадгалах замаар Монгол Улсад итгэл нь буураад байсан хөрөнгө оруулагч, хөршүүдийг сэргээн татах ажиллагаа хийсэн. Донор олон улсын байгууллагуудын итгэлийг сэргээх зэрэг бидний өмнө олон асуудал тулж байсныг санаж байгаа байх.

Бүсээ чангалах сахилга бид 45-ын нуруун дээр ногдсон билээ. Нийслэлчүүд 2017 оныг “Иргэдийн оролцоотой эрх зүйн шинэчлэлийн жил”, 2018 оныг “Иргэдийн орлцоотой амьдрах орчныг сайжруулах жил”, 2019 оныг “Нэг хот- нэг стандарт”-ын жил болгон зарласан.

Энэ хүрээнд иргэдийн ажлын байрыг хадгалж үлдэх хэцүү үе байсан. Өнөөдөр дэлхий нийтэд цар тахал тархсан энэ үед бидэнд давхар хүнд ачаа тулж байна. Орлогоо тасалдуулсан. Эдийн засгаа сэргээх шинэ үе ирж байна.

Нийслэлчүүд бид нэгэн зүг рүү харж зорьсон зүйл рүүгээ хамгийн том цохилт өгсөн нь агаарын бохирдлыг 50 хувь бууруулж чадлаа. Үүнд нийслэлийн бүх төрийн алба хаагчид оролцсон. Энэ шийдвэрийг дэмжин хүлээн авсан иргэд та бүхэндээ баярлалаа.  Нийслэлийн гол суурь хууль болох Хот тосгоны эрх зүйн байдлын тухай хууль, Нийслэлийн эрх зүйн тухай хууль зэрэг бусад дагалдах хуулиуд бидэнд хүлээгдэж байна. Мөн “Алсын хараа-2050”-д 9 бүлэгт Улаанбаатар хотын дагуул хотын хөгжлийг тодорхойлсон чухал шийдвэр гарсан. Дагуул хот, дэд үйлдвэрийг хөгжүүлэх ажил эрчимтэй өрнөж байна.

Энэ хүрээнд Баянхошуу, Сэлбэ дэд төвийг энэ онд дуусгана. Шар хад, Толгойт, Баянхошуу зэрэг томоохон хотууд үлдэж байна. Иргэдийнхээ итгэлийг зүтгэлээх хариулъя. Иргэд та бүхэндээ талархлаа” гэлээ.

А.Сүх