Нийслэлийн боловсролын газраас сургууль цэцэрлэгийн үйл ажиллагааг хэвийн горимд шилжүүлэн үргэлжлүүлэх болсонтой холбоотойгоор мэдээлэл хийлээ.
Сурагчид танхимын сургалтаар хичээллэнэ
Ерөнхий боловсролын сургуулиуд танхимын сургалтаараа хэвийн горимд шилжих бөгөөд хуваагдаж орж байсан сурагчид нэг ангидаа хичээллэнэ гэдгийг Нийслэлийн боловсролын газрын дарга Ж.Гантулга мэдээллээ. Түүнчлэн СӨБ-д хамрагдаж байсан хүүхдүүд дэд бүлгийн зохион байгуулалтаар хичээллэж байсныг мөн хэвийн горимд шилжүүлж ангийн зохион байгуулалтаар хичээлэх юм.
Хүүхэд харах үйлчилгээнд хамрагдах хүүхдийн бүртгэл хоёр өдөр явагдана
Хүүхэд харах үйлчилгээний төвүүдийн бүртгэл есдүгээр сарын 17-18-ны өдрүүдэд үргэлжлэн, есдүгээр сарын 21-нээс үйл ажиллагаа эхлүүлэх юм байна. Хүүхэд харах үйлчилгээнд 2017 оны нэгдүгээр сарын 1-нээс 2018 оны арванхоёрдугаар сарын 31-ний хооронд төрсөн хүүхэд хамрагдах боломжтой.
Хүүхдээ бүртгүүлэхдээ:
- Хүүхдийн төрсний гэрчилгээ
- Эрүүл мэндийн шинжилгээний бичгийг авч очих хэрэгтэйг анхааруулав.
Хүүхэд харах үйлчилгээг есдүгээр сарын 21-ний өдрөөс үргэлжлүүлж, 2-3 настай хүүхдийг хамруулах тухай БШУ-ны сайдын А/62 тоот тушаал гарсан. Хүүхэд харах үйлчилгээнд бүртгүүлэхдээ хүүхдийн төрсний гэрчилгээ, эрүүл мэндийн шинжилгээний бичгийг авч очиж бүртгүүлнэ. 2017 оны нэгдүгээр сарын 01-нээс 2018 оны 12 дугаар сарын 31-ны хооронд төрсөн хүүхдүүд хамрагдах боломжтой аж.
