Сургууль, цэцэрлэгийн үйл ажиллагааг хэвийн үргэлжлүүлэх болсонтой холбоотойгоор сургуулийн автобусны үйлчилгээг ирэх даваа гарагаас явуулж эхлүүлэхээр болоод байгаа билээ.

Энэ талаар өнөөдөр Нийслэлийн Боловсролын газрын дарга Ж.Гантулга "Бид сургуулийн автобусны үйлчилгээг явуулахтай холбоотойгоор 31 сургуульд чиглэл өгч, хүүхэд хамгаалагчтай гэрээ хийж, эцэг эхчүүд, хүүхдүүдэд мэдээлэл өгөн, бэлтгэл ажлаа хангаад байна. Цаашид энэ ажлыг улам өргөжүүлнэ. Нийслэл хотоос 200 сургуулийн автобус нэмж авахаар холбогдох байгууллагууд гэрээ хийх бэлтгэл ажлаа хангасан. Энэ жил хүүхдийн автобусны зориулалтаар эхний ээлжийн 75 автобус арваннэгдүгээр сард ирэхээр байгаа. Сургуулийн автобус нь хүүхэд гэр, сургуулийн хооронд аюулгүй зорчих болон Улаанбаатарын түгжрэлийг бууруулахад тодорхой үр дүн үзүүлнэ гэж үзэж байгаа” гэдгийг мэдээлсэн юм.

Энэ сарын 21-ний өдрөөс үйлчилгээнд гарах сургуулийн автобусны чиглэлийг танилцуулж байна.