Сэлэнгэ аймгийн Баянгол суманд үйл ажиллагаа явуулдаг “Бороо гоулд” ХХК тэсрэх дэлбэрэх бодис хадгалах зөвшөөрөлгүй агуулахад тэсэлгээний бодис, хэрэгсэл хадгалж байжээ.
Уг хэргийг цагдаагийн байгууллагаас илрүүлэн шалгаж байгаа аж. Тодруулбал, энэ сарын 17-нд Сэлэнгэ аймгийн Баянгол суманд “Бороо гоулд” ХХК нь тэсэрч, дэлбэрэх бодис хадгалах зөвшөөрөлгүй агуулахад "Анфо" гэх нэршилтэй тэсэлгээний 59.6 тонн бодис, тэсэлгээний хэрэгсэл нэг тонныг хадгалж байсан байна. Зөрчлийг Сэлэнгэ аймаг дахь цагдаагийн газрын Мандал сум дахь сум дундын цагдаагийн хэлтэс илрүүлэн, үргэлжлүүлэн шалгаж байгаа гэдгийг албаны эх сурвалж мэдээллээ.
(ANFO) гэх тэсрэх бодис нь усгүй хуурай нөхцөлд хэрэглэх зориулалттай бодис бөгөөд тусгай зориулалтын тэсэрч дэлбэрэх бодис хадгалах агуулахад хадгалж, ашиглах ёстой бүтээгдэхүүн аж. Гэтэл “Бороо гоулд” ХХК дээрх бодисыг зөвшөөрөлгүй агуулахад хадгалж Монгол Улсын хууль тогтоомжийг зөрчсөн нь ийнхүү шалгалтаар илэрсэн байна.
Сэтгэгдэл (2)