Засгийн газраас Оюутолгой ордыг Монгол Улсын эрх ашигт хамруулах тухай УИХ-ын тогтоол гарч, долоон чиглэлээр хөрөнгө оруулагчидтай хэлэлцээрийн ширээний ард суух ажлын хэсгийг  өнгөрсөн оны сүүлээр байгуулсан.

УИХ-ын энэ тогтоолын дагуу Засгийн газар Оюутолгойн хөрөнгө оруулагчидтай хувиа наймаалцах эсвэл ашигт малтмалын нэмэгдсэн албан татвар авах эсэх хэлэлцээрт удахгүй орох юм. Хэлэлцээр хийх ажлын хэсгийг ЗГХЭГ-ын дарга Л.Оюун-Эрдэнэ ахалж,  бүрэлдэхүүнд нь өмнөх Засгийн газрын Уул уурхай, хүнд үйлдвэрийн, Хууль зүй, дотоод хэргийн, Байгаль орчин, аялал, жуулчлалын болон Сангийн сайд нар ажилласан. Харин шинэ Засгийн газрыг байгуулснаар дээрх бүрэлдэхүүнд өөрчлөлт орж, шинээр томилсон зарим сайд нар ажлын хэсэгт багтах нь. Энэхүү хэлэлцээрээс өмнө Монголын Засгийн газрыг төлөөлөх эрхмүүдийг сонгон шалгаруулах нь бас нэгэн чухал ажил болоод байна.