Хүйтний ам наашилж, хөхүүрийн ам цаашилж буй энэ үед гэр хорооллын айл өрхийн тулгамдсан асуудлын нэг нь сайжруулсан түлшийн хэрэглээ болоод байна. Саяхны хэдэн өдөр эрс хүйтэрч, сайжруулсан түлшийн олдоц муугаас хүмүүс гэртээ бээвийж суухаас  аргагүйд хүрсэн гэх. Дээр нь хүйтэрсэн эхний хоёр өдөрт л 70 гаруй хүн угаартаж, эмнэлгийн тусламж, үйчилгээ авсан байдаг. Хоёрхон өдрийн дотор ийн олноороо угаартлаа. Идэр есийн хүйтэн эхлэхээр хэчнээнээрээ угаартах вэ гэсэн айдаст нийгмийг автуулсан нь ч үнэн.

Хамгийн гол нь ийн олноороо угаартсаныг холбогдох албаныхан газар дээр нь шалгаад шалтгааныг нь олчихлоо шүү гэсэн. Гэтэл гол буруутан нь иргэд өөрсдөө болж таарсан юм. Галаа түлсэн ч бороо орлоо гээд өрхөө бүтээчихсэн байна.

Угаартахгүй яадаг юм. Угаар мэдрэгчээ авдарныхаа ёсоолд хийчихжээ. Угаартахгүй яадаг юм хэмээн дуу дуугаа авалцан мэдэгдэж эхэлсэн. Хэнэггүйгээсээ болоод угаартсан иргэд буруутай ч урьдчилан сэргийлэх ажлыг эрчимжүүлэн, энэ талын мэдээ мэдээллийг шуурхай бодитоор хүргэх нь “Тавантолгой түлш” компанийнхны тэр тусмаа удирдлагуудынх нь хийх ёстой гол ажлын нэг баймаар. Нийслэлийн утааг өнгөрсөн хугацаанд 50 хувь, цаашлаад 80 хувиар бууруулна гэж мэдэгдээд байгаа “Тавантолгой” түлш” компанийн гүйцэтгэх захирал М.Ганбаатар таны хийсэн бүхэн болоод хүчин чармайлтыг үгүйсгэх гэсэнгүй. Гэвч иргэдийн амь нас, эрүүл мэнд эрхэм чухал шүү гэдгийг сануулъя.

Л.Тэргэл