БОАЖ-ын сайд Д.Сарангэрэл Хэнтий аймагт баригдаж байгаа аялал жуулчлалын түүхэн цогцолборын талаар мэдээлэл хийлээ. 

Тэрбээр "Засгийн газрын үйл ажиллагааны хөтөлбөрт  аялал жуулчлалын салбараа эдийн засгийн тэргүүлэх чиглэл болгохоор зарласан. Энэ хүрээнд Монголын төр аялал жуулчлалын салбараа бодлогоор дэмжихээр болсон. Аялал жуулчлалын нийгэмлэг, холбоодтой хамтарч ажиллах зорилго тавьсан.

Энэ хүрээнд аялал жуулчлал, зочлох үйлчилгээнд бариста, бартендер, тогооч, угтах үйлчилгээний зэрэг 16 мянган хүний нөөц бэлтгэнэ. 

Засгийн газар аялал жуулчлалыг бүсчлэн хөгжлүүлэх зорилтын хүрээнд Хөвсгөл аймгаа байгалийн аялал жуулчлалын, Хэнтий аймгаа түүхэн аялал жуулчлалын бүс болгон хөгжүүлнэ. Мөн Хэнтий аймагт томоохон зургаан том бүтээн байгуулалт хийнэ. Үүнд Бор-Өндөрт далд уурхайн музей байгуулна. Эзэн Чингис хааныхаа түүхэнд соёлын өвд суурилсан томоохон таван бүтээн байгуулалт багтаж байгаа юм. 

Бүтээн байгуулалт 2021 оноос эхнээсээ ашиглалтад орж эхэлнэ. Түүхэн аялал жуулчлалын бүс нутгуудын бүтээн байгууллатыг Азийн хөгжлийн банкны 38 сая долларын хөнгөлөлттэй зээлээр шийднэ. Уг эх үүсвэрийн 50 орчим хувийг Хэнтий аймагт барих цогцолборуудад хөрөнгө оруулна" гэлээ.

А.Сүх