Улсын хилээр нэвтэрч байгаа гадаад иргэдийн талаар ОБЕГ-ын дарга, Бригадын генерал Г.Ариунбуян  мэдээлэл өглөө.

Тэрбээр “Хил хааснаас хойш УОК-ын шийдэрийн дагуу 22400 гаруй иргэнээ татан аваад байна. Одоо 48 улсаас эх орондоо ирэх хүсэлтэй 10400 гаруй иргэн байна.

Улсын хэмжээнд 70 тусгаарлах ажиглах байранд 3703 иргэн хяналтад байна. Манай улсад коронавирусний 312 тохиолдол бүртгэгдсэн. Үүний 302 нь эдгэрсэн.

Мөн улс орны бүтээн байгуулалтад ажиллах нарийн мэргэжлийн гадаадын инженер техникийн ажилтнуудыг тусгай төлөвлөгөөний дагуу УОК-оос зохион байгуулж байна. Ингэхдээ тухайн аж ахуйн нэгжийн хүсэлт, Засгийн газраас гаргасан тогтоол, хөдөлмөр эрхлэх зөвшөөрөл зэргийн үндэслээд холбогдох байгууллагууд ажиллаж байна.

Тухайлбал, Замын-Үүд боомтоор Хятадаас ирж байгаа нарийн мэргэжлийн инженер техникийн ажилчдыг хил нэвтэрмэгц шинжилгээнд хамруулаад цагдаагийн хамгаалалт дор тусгайрлах байр руу тээвэрлэж байгаа.

Энэ явцад ямар нэгэн зогсолт хийхгүй. Тусгай горимоор үйл ажиллагааг явуулж байна. Тусгаарлалтын хугацаа 21 хоног байна. Үүний дараа бүтээн байгуулалтад оролцоно. Ийм зохицуулалттай ажиллаж байгаа” гэлээ.

Б.Лхам