"Өргөө"-гийн гудамжны автозамын ажил маргааш буюу энэ сарын 23-ны өдрөөс эхэлнэ. Тодруулбал, Баянгол дүүргийн 13 дугаар хороо "Өргөө"-гийн гудамжны уг авто замыг 2020 оны есдүгээр сарын 23-ны өдрөөс аравдугаар сарын 02-ны өдөр хүртэл хааж зам засварын ажлыг хийж гүйцэтгэхээр болсныг нийслэлийн Автозамын хөгжлийн газраас мэдээллээ. 

Тус ажлын хүрээнд асфальтбетон хучилт, явган хүний зам засвар, тэмдэг тэмдэглэгээ, эгнээ тусгаарлах хашлага суурилуулах ажлууд хийгдэх тул жолооч та бүхэн аюулгүй байдлаа ханган бусад авто замыг сонгон хөдөлгөөнд оролцохыг албаны эх сурвалж мэдээллээ.