Их хэмжээний “Дэрвэгэр жиргэрүү” ургамлын үндэс тээвэрлэж яваад саатуулагджээ. Тодруулбал Өмнөговь аймгийн Ханбогд суманд энэ сарын 21-ний өдөр 42 настай эрэгтэй Х гэгч нь “Hyunday Starex” маркийн автомашинаараа 286 кг Дэрвэгэр жиргэрүүний үндэс тээвэрлэж явсан байна. Уг хэргийг Өмнөговь аймгийн цагдаагийн хэлстийн Ханбогд суман дахь цагдаагийн тасаг шалгаж байна.  

Дашрамд өгүүлэхэд “Дэрвэгэр жиргэрүү” нь Монгол орны ховор ургамлын жагсаалтад орсон, БОАЖ-ын сайдын 2018 оны А/43 тоот тушаалаар таван жилийн хугацаанд түүж бэлтгэхийг хориглосон ургамал юм.