Согтуурсан үедээ эхнэртэйгээ муудалцсаны улмаас осол гаргаж хоёр хүн гэмтээсэн хэрэг гарчээ.
Тодруулбал ХУД-ын 20 дугаар хороо "Хөрш заан" хотхоны 106 байрны хойд замд "Lexus RX350" маркийн автомашины жолооч Б нь архи согтууруулах ундааны зүйл хэрэглэсэн үедээ тээврийн хэрэгсэл жолоодон "Toyota Aristo", "Toyota Aqua", "Toyota Rumion" маркийн автомашиныг мөргөж, жолооч 30 настай , эрэгтэй Т, 27 настай эрэгтэй У нарын хоёр хүнийг гэмтсээн байна. Тус хотхоны оршин суугчдын зүгээс "Осол гаргасан этгээд эхнэртэйгээ муудалцаж улмаар 100 метр газраас хурд аван ойролцоо байсан автомашинуудыг мөргөж, олон хүн гэмтээсэн" гэх мэдээллийг өгчээ.
Иймд согтуурсан үедээ жолооны ард суухгүй байхыг Тээврийн цагдаагийн албанас нийт жолооч нарт анхаарууллаа.
