УИХ-ын гишүүн Ч.Ундрам, Ц.Мөнхцэцэг нарын санаачилгаар “Үндэсний боловсролын тогтолцоог сайжруулах нь: ЕБС дахь англи хэлний сургалт” хэлэлцүүлэг зохион явууллаа.

Хэлэлцүүлэгт боловсролын салбарын эрдэмтэн, багш судлаачид оролцож багшийн ур чадвар, цалин хангамж, тогтолцооны талаар санал бодлоо илэрхийлсэн юм. Багш, судлаачдын хувьд багшийн ачаалал, цалин хангамж мөн багшийн ур чадварыг үнэлдэг болох тухайлбал, сургалтын чанартаа ахиц гаргасан, ур чадвар өндөр багш нарт нэмэгдэл урамшуулал олгох, цалинг ялгамжтай олгох асуудлыг хөндсөн юм.

Судалгаагаар төрийн өмчийн ерөнхий боловсролын сургуулийн сурагчдын англи хэлний мэдлэгийн түвшин хувийн сургуулийн сурагчдынхаас даруй гурав дахин бага гэж гарчээ.

Тиймээс ерөнхий боловсролын сурагчдад гадаад хэлний хичээлийн цагийг нэмэгдүүлэх, нэг ангид хамрагдах хүүхдийн тоог багасгах зэрэг сурагчдын гадаад хэлний мэдлэгийг дээшлүүлэх, хичээлийг үр дүнтэй болгох талаар боломжит аргыг эрэлхийллээ. 

А.Сүх