Дэлхий нийтэд тархсан цар тахлын хүрээнд манай улс өндөржүүлсэн бэлэн байдал зарлаж, аж ахуйн нэгж, байгууллага, иргэдийн зүгээс УОК-т мөнгөн болон эд материалын тусламж үзүүлсэн. Уг мөнгөнөөс 21 дарга нэг сая төгрөгийн урамшуулал өөрсдөдөө авсан асуудлын талаар бид өмнө нь мэдээлсэн.

Албан тушаалтнуудад урамшуулал олгох шийдвэрийг УИХ-ын гишүүн С.Амарсайхан хотын дарга байхдаа гаргасан. Уг асуудалтай холбогдуулан НИТХ-ын төлөөлөгч М.Тулгат “Иргэд цар тахлын нөхцөл байдалд бүгд чадлаараа хувь нэмрээ оруулсан. Холбогдох байгууллагуудын албан тушаалтнууд сайн ажилласныг үгүйсгэх аргагүй.

Гэхдээ хандиваас цугларсан хандивын мөнгөөр дарга нар өөрсдийгөө урамшуулна гэдэг ёс зүйн хувьд байж болохгүй.

Тиймээс НИТХ дахь АН-ын төлөөллөөс тухайн үеийн хотын дарга, УИХ-ын гишүүн С.Амарсайханд шаардлага хүргүүлж байна. Мөн энэ шаардлагыг хотын даргын үүргийг түр орлон гүйцэтгэгч Ж.Батбаясгаланд хүргүүлнэ. Энэ үйлдэлдээ иргэдээс уучлал гуйх ёстой” гэлээ.

А.Сүх