Сураггүй алга болсон эмэгтэйн цогцсыг шатсан байдалтайгаар жалганаас олжээ.

Тодруулбал, Энэ оны наймдугаар сарын 7-ны өдөр 54 настай эмэгтэй Баянгол дүүргийн нутаг дэвсгэр өөрийн оршин суух газраас алга боллоо гэж түүний ар гэрийнхэн есдүгээр сарын 11-ний өдөр цагдаагийн байгууллагад буюу Баянгол дүүргийн Цагдаагийн газрын хоёрдугаар хэлтэст тэмдэглүүлсэн байна.

Мэдээллийн дагуу хороо хариуцсан хэсгийн байцаагч эрэн сурвалжлах ажлыг улсын хэмжээнд зарлан ажиллаж, амь хохирогч эмэгтэйн цогцсыг энэ сарын 18-ны өдөр Сонгинохайрхан дүүргийн 33 дугаар хороо Тахилтын жалганаас шатсан байдалтайгаар олжээ.

Одоогоор уг гэмт хэргийг үйлдсэн байж болзошгүй түүний хамтран амьдрагч 40 настай "Н"-г холбогдуулан цагдан хорьж, мөрдөн шалгах ажиллагааг явуулж байгаа талаар албаны эх сурвалж мэдээллээ.