Хөгжлийн банкны гүйцэтгэх захирал асан Б.Баярбаттай хамтарч шаардлага хангахгүй аж ахуйн нэгждээ зээл авсан хэргээр яллагдагчаар татагдсан “Алтай констракш” компанийн захирал Х.Бат-Эрдэнийг суллах захирамж гарсан талаар хэвлэлээр шуугьж эхэллээ.

Тодруулбал, Х.Бат-Эрдэнийг мөрдөн байцаах ажиллагаанд саад учруулсан үндэслэлээр Сүхбаатар дүүргийн Эрүүгийн анхан шатны шүүхээс наймдугаар сарын 10-нд 30 хоног цагдан хорих захирамж гаргасныг мөн хугацаагаар сунгасан юм. Гэвч түүний өмгөөлөгчийн Сүхбаатар дүүргийн Эрүүгийн хэргийн анхан шатны шүүхийн шүүгчийн захирамжид гаргасан гомдлыг тус шүүхийн ерөнхий шүүч өчигдөр хэлэлцээд эрүүл мэндийн шалтгаанаар батлан даалтаар сулласан бололтой.