Коронавирусний нөхцөл байдлын талаар Эрүүл мэндийн яамнаас ээлжит мэдээллээ хийлээ.
Энэ үеэр ХӨСҮТ-ийн Эрт сэрэмжлүүлэг, хариу арга хэмжээ авах нэгжийн дарга Н.Сувдмаа "Өнгөрсөн өдрүүдэд нийт 1626 хүнд шинжилгээ хийлээ.
Тодруулбал, энэ сарын 25-нд Сидней-Улаанбаатарын онгоцоор ирсэн 213 хүний шинжилгээ, энэ сарын 24-нд Сөүлээс ирсэн 262 хүний шинжилгээ, энэ сарын 12-нд Токиогийн онгоцоор ирсэн 263 хүний давтан шинжилгээ, Дорноговь аймагт тусгаарлагдсан 19 хүний шинжилгээ, Дундговь аймагт тусгаарлагдсан 37 хүний шинжилгээг хийлээ. Халдвар нэмж бүртгэгдээгүй.
Мөн өнөөдөр хоёр хүн эдгэрч дараагийн шатны сувилал руу шилжлээ. Өнөөдрийн байдлаар ХӨСҮТ-д халдвартай нь батлагдсан найман хүн эмчлэгдэж байна. Эдгээрээс хоёр хүний биеийн байдал хүндэвтэр байна” гэлээ.
А.Сүх