ДЭМБ-аас зохион явуулж буй “Ирээдүйн төлөө бүх нийтийн эрүүл мэндийн хамралтад хөрөнгө оруулах нь" сэдэвт виртуал онц хуралдаанд УИХ-ын гишүүн Ж.Чинбүрэн оролцжээ.
Тэрбээр энэ талаар "Миний бие тус хуралд Монгол Улсын өргөн уудам газар нутагт анхан шатны тусламж үйлчилгээг Сум, тосгоны эрүүл мэндийн төв болон Өрхийн эрүүл мэндийн төвөөр дамжуулан үзүүлж байгаа ч эмнэлгийн тусламж үйлчилгээний нэр, төрөл, хүртээмжийг нэмэгдүүлж, чанарыг сайжруулах шаардлагатай байгаа.
Мөн Монгол Улсын нутаг дэвсгэрийн хаанаас, хэзээ ч эмнэлгийн яаралтай тусламж үйлчилгээг авдаг болох тогтолцоог бэхжүүлэхээр Монгол Улсын Их Хурлаас Засгийн газрын 2020-2024 оны үйл ажиллагааны хөтөлбөрт тусган баталж, Засгийн газраас хэрэгжүүлэн ажиллаж байгаа талаар онцоллоо.
КОВИД-19 халдвар авсан хүмүүсийн 90 хувь орчимд нь дархлаа тогтож байгаа сайн мэдээг Дэлхийн эрдэмтэд мэдээллэж байна.
Монгол Улс нь дотооддоо халдвар алдаагүй тул иргэдэд Ковид-19 вирусын дархлаа тогтоогүй. Иймд ВАКЦИН батлагдан гармагц яаралтай авч иргэдээ вакцинжуулж хамгаалах зорилго тавьж байгаа тухай дурдлаа" хэмээн өөрийн цахим хуудастаа бичжээ.
