УИХ-ын эмэгтэй гишүүдээс санааслан Архидан согтуурахтай тэмцэх хуульд нэмэлт, өөрчлөлт оруулахаар хэлэлцэж буй.

Энэ талаар УИХ-ын дарга Г.Занданшатар “90-ээд онд ардчилсан хөдөлгөөн өрнөж шинэ нийгэм рүү шилжих хүнд цагийн босгон дээр ард иргэдийн амьдрал хэцүүхэн байсан мөч саяхан. Тэр л үед амьдралын босгыг алхаж байсан залуу үеийнхэн маань "АРХИ"-ны лонх руу халтирсан жишээ цөөнгүй байдаг.

Тэр цагаас эхтэй хувь, хувьсгалын ажил хэрэг бүтээх арга барилд архи үргэлж дагалдан угширсан "соёл" болж үлдсээр багагүй хугацаа өнгөрлөө.

2000 он гарч өнөөх архиар бүтээдэг ажил нь улс орны эдийн засаг сайжирч хүн ардын амьжиргаа өсөхийн хэрээр АВЛИГАЛ гэдэг бас нэгэн "А"-аар солигдчихов.

Архинаас авилгал руу шилжсэн чөтгөрийн тойрог нь АЖИЛГҮЙДЭЛ гэдэг бас нэгэн "А"-аар дутуугаа гүйцээж гурван "А"-ын холбоос болж Монголын төрийг хүнд суртлын уурхай болгосоор байна.

Тиймээс дээрх гурван "А"-тай тэмцэхийн тулд зөвхөн төрийн алба ч гэлтгүй нийт ард олноороо хандлагаа өөрчлөхийн төлөө архидалтыг багасгая, ажилгүйдлээс ангижрахын төлөө ажлаа сайн хийцгээе. Авлигал, хээл хахуулийг авахгүй бас өгөхгүй байх”-ыг уриаллаа.

А.Сүх