Орон нутгийн сонгуульд оролцох нам, эвслүүдэд нэр дэвшигчдэд өнөөдөр батламжийг нь гардууллаа.

Энэ үеэр нийслэлийн АН-ын даргын үүргийг түр орлон гүйцэтгэгч Д.Пүрэвдаваа “2020 оны НИТХ-ын сонгуульлд АН нийт ардчилсан хүчний нэгдлийг манлайлан оролцохоор зарласан. Өнөөдөр ардчиллын төлөө нэгдсэн нэр дэвшичид мандатаа авлаа.

Бид нийслэлээ хотжуулахын төлөө гэр хорооллоо нэн тэргүүнд анхаарч, өөрчлөлт шинэчлэлтийг хийх эрхээ тун удахгүй сонгогчдоос авна гэдгээ итгэл төгс байна.

Сонгогчид өнөөдрийг хүртэл МАН-ын хийж ирсэн зүйлс амласнаасаа зөрснийг харж байгаа.

Улсын эдийн засаг нүдэн дээр доройтон сульдаж байна. Иргэдийнхээ өргөсөн хандиваар ичихгүй нэгнээ шагнаж, гэр хорооллынхныг орхигдуулж, нэг улсын иргэдийг тэс өөр орчинд амьдруулж байна. Баян хосоны ялгаа гаарч, төсвийг өөрсдийн хөлжих хэрэгсэл болгон тараахыг харлаа.

Иргэдийнхээ боломжийг улстөрчид нь булаан хулгайлж, өөрсдөө 3 хувь, иргэд 30 хувиар зээл авч баялаг бүтээгчдийн боломжийг хааж болдгийг өнгөрсөн хугацаанд мөн харлаа. Хотоо хоёр өөрч орчинтой болгосон эрх баригчдын буруутай бодлогын үр дүнг та бидний ирээдүйн үр хойч хүртэх ёсгүй.

Олон жил МАН-ын хоосон амлалт, худал үг, хуурамч үйлдэлд санал өгч ирснээ зогсоож, өөрсдийнхөө төлөө саналаа өгөх цаг ирлээ. Өнөөдөр эрс өөрчлөлт хийхгүй бол монголын ирээдүй, бидний хүүхдүүд, тэдний хүүхдүүдийн ирээдүй бүрхэг болсоор байна. Нийслэлийн АН Улаанбаатар хотын бүрэн хотжуулт, тэнцвэрт хөгжлийг авчрах бэлээхэн төлөвлөгөө бий. Бид хийж ирсэн. Бид өөрчилж чадна.

Б.Лхам