Ирээдүйнхээ сайн сайхны төлөө эх орныхоо хөгжил дэвшил, бүтээн байгуулалтын их үйлсэд идэр залуу нас, мэдлэг боловсрол, хүч хөдөлмөрөө харамгүй зориулсан ахмад настан азай буурлууд Та бүхэндээ Олон улсын ахмадын өдрийн мэндчилгээг  дэвшүүлж, эрүүл энх хамгийн сайн сайхан бүхнийг хүсэн ерөөе.

Та бүхнийхээ бүтээн бий болгож, өнөөдрийн бидэнд хүлээлгэн өгсөн эх орон, тусгаар тогтнол, хөгжил дэвшил, ололт амжилт бүхнийг нэр төртэй үргэлжлүүлж, улам сайжруулж, сайн сайхан болгох нь хойч үеийнхний  үүрэг юм.

Азай буурлууд та бүхнийгээ халамжлан, үйл хэргийг тань үргэлжлүүлэхийн зэрэгцээ ая тухтай, эрүүл энх, сэтгэл хангалуун амьдрах орчин нөхцөл бүрдүүлэхийн төлөө төрийн бодлого чиглэж байна.

Хойч үеийнхээ өмөг түшиг болсон та бүхний минь  амьдрал үйлс өөдлөн дэлгэрч, эрүүл энх, урт наслахын ерөөл дэвшүүлье.

УЛСЫН ИХ ХУРЛЫНГИШҮҮН Н.ЭНХБОЛД