УИХ-ын гишүүн С.Амарсайхан хотын дарга байхдаа нийслэлийн замын түгжрэлийг бууруулах, Нийтийн тээврийн стандартыг шинэчлэх зорилгоор таван чиглэлийн бодлого боловруулсан байдаг. Үүний нэг ажил нь сургуулийн автобус.

Автобус худалдаж авахад зориулж, энэ жилийн төсөвт 20 тэрбум төгрөг суулгасан байдаг. Гэтэл дээрх автобуснуудыг оруулж ирэх компанийг тендэр зарлалгүй сонгон шалгаруулсан, өндөр үнээр худалдаж авч байгаа гэх мэдээлэл гарч, олны анхаарлыг татаад байсан билээ.

Тэгвэл эл асуудлаар УИХ-ын гишүүн С.Амарсайхан тайлбар өглөө. Тэрбээр "20 тэрбум төгрөгөөр 75 автобус худалдаж авсан гэсэн мэдээллийг авсан.

Би өөрөө УИХ-ын гишүүн болж, ажлаа өгсөн тул гэрээ хэлэлцээрийг холбогдох албаны хүмүүс нь хийсэн учир би нэг бүрийнх нь үнийг тодорхой мэдэгдэхгүй байна.

Гэхдээ албаны хүмүүс 130 тэрбум ам.доллараар автобус авсан зүйл байхгүй гэдгийг надад хэлсэн. Үүнийгээ ч албан ёсоор тайлбарлана гэж байна лээ.

Харин тендэр зарлаагүй гэдэг нь худал мэдээлэл. Хуулийн дагуу худалдан авах ажиллагаа явагдсан.

Автобус оруулж ирсэн компанитай би ямар ч хамааралгүй.Намайг ажлаа өгсөнөөс хойш гэрээ хийгдсэн ажил" гэв.  

Б.Баатар