Албан тушаалд очиж, “сэтэр” зүүх ёстой мэт хүмүүс байх юм. Ямар сайндаа л иргэд шоглож “УИХ, Иргэдийн төлөөлөгчдийн хуралд нэр дэвшээд унасан хүмүүс хайчих вэ. Гэр рүүгээ л явдаг байх даа” гэж ярих вэ дээ. Нээрэн л гэр, гэр рүүгээ явахаас өөр хайчихав дээ. Шат шатны сонгуульд өрсөлдөөд унасан бол иргэдийн сэтгэлд хүрэх төдий байна л гэсэн үг.
Ингэж хэлмээр хэдэн хүн бий. Үүнээс ХҮН-ын хоёр хүнийг онцолж хүргэе.
ХҮН-ын дарга Б.Найдалаа УИХ-ын ээлжит сонгуульд Чингэлтэй дүүрэгт нэр дэвшин өрсөлдсөн ч иргэдийн олонхийн итгэлийг хүлээж чадаагүй.
Энэ удаад даагаа нахиж дүүрэгтээ дэвшсэн ч барсангүй. Түүний дэвшсэн 16 дугаар тойрог хоёр мандаттай. Хоёул улаарчээ.
Нөгөө нь ХҮН-ын удирдах зөвлөлийн гишүүн Б.Мөнхсоёл.
Түүний хувьд өнгөрөгч УИХ-ын сонгуулиар Сүхбаатар дүүрэгт нэр дэвшиж байв. Удаах шатны сонгуульд Сүхбаатар дүүргийн 14 дүгээр тойргоос нэр дэвшсэн ч мөн өвдөг шороодов.
Харин бусад нэр дэвшигч дэвшсэнээс П.Наранбаяр, Д.Гантулга, П.Ганзориг нар төлөөлөхөөр боллоо.
Иргэд тэнэг биш. “Сэтэр” хайгчдыг ялгана. УИХ-д хүч үзээд унасан нөхдийн буцахдаа орогнодог газар нь ч Иргэдийн төлөөллийн хурал биш гэдгийг сануулъя.
А.Сүх
Сэтгэгдэл (33)