Богдхан хайханы хишиг улс, аймгийн цолтой үндэсний бөхийн барилдаан өчигдөр Монгол бөхийн өргөөнд болж, 256 хүчтэн зодоглолоо.
Намрын нээлтийн барилдаанд улсын харцага О.Хангай түрүүлж, аймгийн хурц арслан Э.Мөнхбаатар үзүүрлэв.
Их шөвөгт улсын заан М.Бадарч, харцага Б.Бат-Өлзий нар шалгарсан юм. Баяр наадмаас хойш өндөр цолтонуудын барилдаан Монгол бөхийн өргөөнд болоогүй. Өчигдрийн барилдааныг чимсэн ховдын хоёр харцагын талаар хэлэх үг алга. Наадмын дэвжээнд одгүй болохоос биш заалны барилдаанд тэднийг давах нь цөөн болж.
Их шөвөгт яах аргагүй туналаа.
Тэдний тунасныг тоочвол барагдахгүй. Төрийн наадмын түрүү булаалдахаар шалгарсан байхад гайхах хүнгүй болов уу. Мөн отгон заан М.Бадарчийн бэлтгэл сайн байна. Олон сайчуудыг амлан давж шөвгөрсөн. Шинэ цолоо мялааж түрүүлэх хүсэл түүнд байсан биз. Гэвч хурц арслан Э.Мөнхбаатарт яарч мэх хийснээс болж уналаа.
Б.Жаргал