Цаг агаарын нөхцөл байдалтай холбоотойгоор баруун аймгуудын зарим нутгаас Улаанбаатар хот руу явах чиглэлийн хөдөлгөөнийг эхлүүлэхгүй байхаар болжээ. 

Тодруулбал, Өвөрхангай аймгийн Арвайхээр сумаас Булган аймгийн Рашаант сумдын хооронд замын нөхцөл байдал хүндэрчээ. Иймд иргэдийн амь нас, эрүүл мэндийг болзошгүй эрсдэлээс урьдчилан сэргийлэх зорилгоор өнөөдрийн буюу аравдугаар сарын 20-ны өдөр Улаанбаатар хотоос Баян-Өлгий, Ховд, Говь-Алтай, Баянхонгор, Өвөрхангай явах чиглэл болон Говь-Алтай-Улаанбаатар, Баянхонгор-Улаанбаатар, Өвөрхангай-Улаанбаатар чиглэлийн хот хоорондын нийтийн зорчигч тээвэрлэлтийн хөдөлгөөнийг эхлүүлэхгүй байх зохион байгуулалтын арга хэмжээг авсан талаар Авто тээврийн үндэсний төвөөс мэдээллээ.