Цаг агаарын байдлаас шалтгаалж Өмнөговь аймгийн Даланзадгад сумын сургууль, цэцэрлэгийн үйл ажиллагааг түр зогсоожээ.
Тодруулбал, Өмнөговь аймгийн Даланзадгад сумын Онцгой комиссоос "Салхины хүч эрс нэмэгдэж өндөр эрсдэлтэй болж байгаа тул сумын хэмжээнд сургууль, цэцэрлэгийн өнөөдрийн үйл ажиллагааг бүрэн зогсоохоор болсон байна.
Тиймээс үдээс хойш хичээллэдэг ангиуд орохгүй аж. Мөн цэцэрлэгийн хүүхдүүдийг багш нар зөвхөн эцэг эхчүүдэд хүлээлгэж өгч, иргэдэд хол явахгүй байхыг анхааруулжээ.
Эх сурвалж: Даланзадгад сумын Засаг даргын Тамгын газар