Хоногийн дотор яаралтай түргэн тусламжийн 103 дугаарт нийт 2324 дуудлага иржээ. Үүнээс 1079 нь яаралтай эмнэлгийн тусламж үйлчилгээ, 1245 нь зөвлөгөө мэдээлэл авсан байна.
Ингээд хоногийн дотор хүлээн авсан дуудлагыг задлан хүргэе. Тодруулбал, яаралтай тусламжийн тасгаар нийт 1054 хүн үйлчлүүлсний 433 нь осол, гэмтлээр ГССҮТ-р үйлчлүүлжээ. Мөн өчигдөр ЭХЭМҮТ-д 39 нярай мэндэлсэн аж.
Амбулаториор нийт 4751 хүн үйлчлүүлсний 1431 нь хөдөө, орон нутгаас байв. Нийт 185 мэс засал хийгдснээс яаралтай 60, төлөвлөгөөт 125 мэс засал хийсэн байна.
Цаг агаар хүйтэрч байгаатай холбогдуулан иргэд та бүхэн дулаан хувцаслаж, дархлаагаа дэмжих хоол хүнс хэрэглэн, олон нийтийн газар маскаа зүүн, гараа тогтмол ариутгаж өөрийгөө болон дотны хүмүүсээ амьсгалын замын өвчлөлөөс урьдчилан сэргийлээрэй.