Ерөнхий сайд У.Хүрэлсүх  Цагдаагийн ерөнхий газарт өчигдөр ажиллалаа. Тэрбээр, энэ салбар харилцаа холбоо, цахим шилжилтээс огтхон ч хоцорч болохгүй. Цагдаагийн байгууллагын төсөв, санхүүг 10-20 хувиар нэмэгдүүлж байгаа.

Мөн орон нутаг дахь цагдаагийн газрын чадамжийг нэмэгдүүлж, ялангуяа цагдаа нарын нийгмийн асуудалд ихээхэн анхаарч эхэлсэн. Цаашлаад албан үүргээ гүйцэтгэж байгаа цагдаагийн ажилтны биед халдсан тохиолдолд хатуу хариуцлага тооцож, иргэдэд эргэн мэдээлж байх хэрэгтэй.

Хууль дүрмийнхээ дагуу ажлаа хийж байгаа цагдаагийн алба хаагч бусдад чичлүүлж, хохирогч болж болохгүй гээд цагдаагийн байгууллагын нийт бие бүрэлдэхүүнд өргөсөн тангарагтаа үнэнч байж, төр, түмэндээ зүтгэхийг хүслээ.

У.Тэргэл